زاد حبك

[د. مجنون]

زاد حبــــــــــك
خذ فرح عمري حبيبي واعطني حزنك وهمك
مستعد اخسر حياتي دون دمعه من عيونك
لايشيل الهم قلبك والحزن لا لا يضمك
حط همك وسط صدري كل ما زادت شجونك
لو نثرت الشوق فيني حبي الطاغي يلمك
وأن خذاك الوقت عني يعلم الله ما اخونك
أدري أن البعد عني يا غلا موتك وسمك
وادري أنك في غيابي تشتكي كثرة ظنونك
أنت وردة في غرامي ما أبي غيري يشمك
وانته أغلى الناس عندي في قساوتك وليونك
أحمد اللي خصني بك يا حبيبي واشكر امك
يوم جابت لي حبيب في مزاياك وفتونك
زاد حبك في فؤادي واختلط دمي بدمك
وكل فرحه في حياتي ماتمر اليوم دونك
ومن كثر ما صار قلبي ينثر الأحساس يمك
صرت احب اللي يحبك واكره اللي يكرهونك

[ابو سلاف]

قصيدة في منتهى الروعه والجمال

ارجو نقلها الى منتدى الشعر الشعبي

لك تحياتي يا د . مجنون

[أبو نوف]

توقعت فيه احد يحب المشرفين ومنزل قصيدة فيهم

د مجنون عذراً تم النقل للمكان المناسب مع التقدير

[د. مجنون]

اشكركم على المرور وعلى النصيحه بنقل الموضوع لاكن في الحقيقه هي كانت خاطره ماره عابره على القلب من بعد ابتعاد عن النت دام فوق ثلاثة اشهر لضرف ولاكن رجعة بعد تلك الفتره والحمدلله على كل حال وكل عام وانتم الخير ياهل الخير ودمتم بالف خير