جتني وقالت خذ بقايا هدايك
وهاك الرسايل واعتبرها نهاية

وخل ذكرياتي والصور دووم وياك
مابيك تنساني وتنسى هواية

وأستر ماشفت مني وماجاك
وعساك تذكر ذكرياتك معاية

قلت أسمعيني قالت الله يرعااك..!!
ماعادينفع ياحبيبي كفاية.!!

صاح الضمير وقال يالزين وش جاك
ودي أعرف اليوم شنهو خطاية

ودي أعرف اللي حصل لا عد مناك
شاللي حصل بالضبط شنهي الحكاية

قالت(خطبني)شخص مثلك وشرواك
وأبوي وافق وحطم مناية

قالت وهي تبكي ترا الكل يفداك
لكن ظروف الوقت زادت شقاية

غصب على اليوم أودعك وأجفاك
مجبورة ياقلبي أفض الرواية..!

لاتعتقد في يوم أنا بقدر أنساك
أنت الوحيد اللي له القلب غاية

والقلب صابة وقتها ألف دكاك
والهم أعلن في حياتي البداية