أنا لـو فكرت أسامحك
عَـلى العُمْر اللي راح
أو حَبيت أعاتبك
وأنسى الدموع والنواح
يَستحيل أقدر أسامحك
على الغدر والجراح
إنت ضيعت أحلى كلمة
قالها قلبي بانشراح
عَاش عَليها أجمل سِنيـن
في بَهجه ونعيم وأفراح
لا عِرف فيها طعم الأسى
ولا مَرت عليه أتراح
إلا يوم غدرت بيهو
ورميتو بي تلك الرماح
خليتو في حَسرة وألم
مَكسور الخواطر والجناح
سَلمتو لي دنيا الحُزن
من غيـر سبب أو إيضاح
ولو حَاولت يوم تعتـذر
وتمد ايديك للصفاح
تبكي بي دموع الندم
تـترجى مِني السَماح
يَستحيل أغـفر إليكْ
إلا الغروب يتبدل صَباح
….. ….. …..
وإنتَ عَارف انو قـلبي
من يـوم عَشقـتك ما استراح
كنت بتجرع عَذابك
وأسقيك مِن عينيه راح
وعلشانك إنت عَديت بحور
رغم العواصف والرياح
فارقت جلسات الأحبه
وليالي الأنس الملاح
رضيت بي عذابك إنت
وشربت الأسى أقداح أقداح
لا عاد إلىّ الأمل تاني
ولا هَمك مِن قليبي انزاح
….. ….. ……
ما كنت فاكر انو حُبك
بالنسبة ليّ كان مِزاح
ولا عُمري تخيلتَ أبداً
انو الغدر عندك مُباح
لكني بعشم في القدر
يَرميك بي نفس السِلاح
وياريتني أنسى ماضيك الأليم
ومن نار عَذابك ارتاح
تعود حياتي من جديد
زاهية في أجمل وشاح
أجـدد شعـوري بالأمـل
لـو بريـقه مـره لاح
أداوي قـلبي الجـريح
وأنعِـش دِمـاءه بالـرواح
إلا خـوفـي بـس يا زمـن
تـرجـع تـزيـد الجـراح
|
 |
رد مع اقتباس
