كان فيه واحد " على نياته "

فـكـرّ يستثمر أمواله !


وكان عنده ببغاء يتكلم ..


مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي .. واذا راح قال : راح الغبي ! ..

راعيه ضاق صدره .. وقرر ياخذ الببغاء لمدرب الطيور علشان يعدّله ..

يا مدرب الطيور ....

شف لك صرفة مع هذا الببغاء ...

كل ما شافني فشلني عند الناس " غبي ، غبي " !

أبيك تدربه زين وتعدّل كلامه ..

علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة ...

وحطه قدامه ... وسأل الببغاء ..

أنا مين : ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ...

أنا مين : ؟

قال : أنت صديق الغبي ..

وينزله في الموية مرة ثانية .. ثم يطلعه ...

أنا مين : ؟

.. وعلى هالحال .. حتى تربى الببغاء وتسنّع ..

وأخيرااااَ ... قال له المدرب ...

أنا مين : ؟ !

قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ..

قال راعي الببغاء ..

أنا مين : ؟!

قال الببغاء : أنت مين ؟! وهذا سؤال !! ... أنت الذكي ...

إلا أنت أذكى واحد عرفته في حياتي !

قال له راعيه : .. طيّب ..

وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك ..

تسوي فيها اللي تبي ..

قال : طيّب .. إذا دخّلت فلوسي عند " هابتكو " ؟ !

قال الببغاء : ممتاز .. حركة استثمارية في غاية الذكاء ....
ومن أذكى واحد في العالم ..

طيّب : .... وإذا دخلت فلوسي عند " الجمعة " ؟ ..

طبيعي .. تنويع استثماري .... من أذكى واحد في العالم !

طيّب ... وإذا دخلت فلوسي عند " ابن حسن " ؟ ..

ذكاء خارق ... وماشي مع الحكمة اللي تقول :

" لا تحط البيض في سلة واحدة " ...

فعلا أذكى واحد في العالم !

طيّب ... وإذا دخلت فلوسي عند " العيد " ؟ ..

عادي ... وزي ما يقولون " حشر مع الناس عيد " ....

صحيح إنك أذكى واحد في العالم ..


... قــــــــــال طيييييييييييييييّب ..




وإذا دعمت نادي النصر؟؟!!







قال الببغاء : يا عمي هاتتتتتتتتااات الموية ! .....

قايلّك من زماااان هذا أغبى وااااحد في العالم وماصدقتني !!