اعتراف هلالي
قصيده تحكي واقع بعض الهلاليين ابت ان تنطق بها اصواتهم
لكن هاهو أحد الشعراء ذوي الميول الهلاليه ينطق بالحق
وهو الشاعر خالد الحمد من بلدة رغبة بالمحمل
اعرف اقربائه فهو هلالي صميم وعاشق لماجد عبدالله حاله كحال الملايين
يوم الثلوث المسا برثيك يالكوره
من بعد ماجد خلاص اليوم عفناهـا
لا لون لا طعم والملعب طفى نـوره
محدن يسـد بمكانـه لـو تعناهـا
الفذ الاعجوبه الموهوب الاسطـوره
بالجـد والجهـد امجـاده تبنـاهـا
عشرين عامآ مضت والفن دستـوره
واهدافه اللي تشوق النفس طرياهـا
ياما الهب كفوفنا تصفيق لحضـوره
من شوف ماجد خصومه تقصر اخطاها
بالهون بالهون ياللي تجهل عصوره
لاصـرت ناسـي فحنـا مانسيناها
في اسيا المنتخب ماكان في الصوره
مقصورته قبل ماجـد ماعرفناهـا
والكاس قالوا مابين الشرق محصوره
يومن بزغ نجم ماجد حقق مناهـا
****يبكي قهر والصين مكسـوره
باهدافه اللي بشكل وفـن مااحلاهـا
والكاس جابه لربعه شعب اخو نوره
واشعل فتيل الفرح والعقـده انهاهـا
تم اختياره من الفيفا يبـي شـوره
يسعون له سعي الام اللي ورا ابناها
ذا قول منهو بقافه ترجـم شعـوره
هلالي لكن هروج الحـق مخفاهـا
ماجد ولاغير ماجد يبقى الاسطوره
وثروة وطن ياعرب والكـل غناهـا
|
 |
رد مع اقتباس
