حياك ياللي جيتني تقصرإخطاك
يا مالك بالود مهجة فوادي

حياك منزلك القفص كله إحماك
مالك شريكن فيه علم وكادي

أطلب تجد خذمابغيت لله أعطاك
روحي وعمري والخفوق أو ودادي

خذمابغيت ألروح كله فداياك
خذني معك كلي غيور ٍ إمفادي

خذني معك سيف ٍتشيله بيمناك
خذني معك رمح بوجه المعادي

خذني قلم ماجف حبره فلابواك
ينعم على عذب ألحروف الجدادي

خذني فرح يطرب عواطف محياك
خذني عن ألازعاج لك جو هادي

خذني نديمٍ لا تضايقت سلاك
خذني معك لشعال ضوك زنادي

خذني ذرى عن قارص البرد ذراك
خذني لفصل الصيف ضل وبرادي

خذني لبيض تشبه اللول مسواك
خذني لجيب الثوب مسك ٍ وكادي

خذني معك صندوق خافي خفاياك
خذني دفاعك كان طال العنادي

خذني معاك أمليك واكتبك واقراك
خذني على ماتطلب النفس عادي

خذني مثل ماقلت يانا اتحداك
خذني دخيلك دمت غايت امرادي

خذني معك ماضني الوضع يخفاك
الغادي اللي قال انافيك غادي

خذني معاك هناك وهناك وهناك
ولاأخذك واخفيك داخل فؤادي