استأذنك بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك ويش تسوى حياتي
تامر علي حاجه ؟ باودعك واليك
عسي عوض الايام في المقبلاتي
حتى يدي ماودها تفارق يديك
ساكت وانا اشوف البلى في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ماروح ودي اوصيك
وانت الوحيد اللي يقدر وصاتي
لحد"سألك وقال لك وين مغليك
قله لوازم لاقضاها بيآتي
وان طروا النسيان مانيب ناسيك
ياراس مالي في الحياه وغناتي
وان طرو السلوان مانيب ساليك
طيفك معي حتى وانا في صلاتي
قلبي وهو قلبي اذا مر طاريك
لولا ضلوعي كان عزوا مماتي
لو جض صدري كان يمديه يأتيك
ويبات عندك ويهنى بالمباتي
انا وقلبي والغلا ساكن" فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي( لا ) كل امنياتي
شف في غيابي اي حاجه تسليك
لاني بعدك اسلى مع ذكرياتي
احاول اذكر اي شي يطريك
واقول هو سوى وانا ذي سواتي
كني موادع كل شي حواليك
كني حسبت احساب حزت وفاتي
احب لاني مااقدر انساك وابيك
ولا اقدر اخليك يااللي تحاتي
معنى احب ولااقدر انسى واخليك
يعني بدونك ويش تسوى حياتي..!!
|
 |
رد مع اقتباس
المشاركة الأصلية كتبت بواسطة إنت عمري
