كرهتك

[صامطية]

كرهتك حيل صدقني وكل هذا من اسبابك
جديدهـ [ لعبتك ] هذي ..

رجُوعك , ليه أبي أفهم ؟!

ترى ما جيت فـي وقتِك / أنا مُو حاسِبه حسابك

نسيتك أو تناسيتك .. ( دخيـل اللـه ) .. لا تهتم

وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم

قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]

زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه .. جبرنـي الجـرح : أتكلم

خيانـه شِفتهـا مِنِّك .. عِطِـرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم

كرهتِك حيـل صدقنـي وكِل هـذا مِن أسبابك

تقول : آسف ..؟! يا خلف الله !!

بقى بـ ( وجه ) التسامح / دم ...؟

أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم

وإلا ما أجـي عنـدك وأغيِّـر , ناتِـج أحبابك

تجينـي والندم واضـح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكر وتحلم

لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم

رجاءً..!!


إبتعِد عنَّي أنا مُـو ناقصه العابك


إهـــــــــــــــــــــــــــــداء خـــــــــــــــ m ــــــــــــــاص

[وجدان]

أبيات جميلة
بها جرح مفتوح
وكره به الشاعر يبوح
وهذا أقل ما يُقدّم للخائن.

صامطية من الخرج
لك أزكى التقدير على هذا المنقول.

[صامطية]

لهفة
أسعدني مرورك وتعليقك تلك أبيات تنزف ألماً أحببت نقلها وسؤالي
هل يمكن أن نقتلع حب الحبيب من قلوبناً استناداً إلى خيانته وإن كان ممكناً ماهو السبيل إلى ذلك
دلينـــــــــــــــــــــــي عزيـــــــــــــــــــــــــــــــــــــــــــزتي