حبيبة قلبي

[خزامى]

ياشقى دنيا علي زايد ألمها

وياشقى وقتِ علي دايم شحوح



بي جروحٍ كل ماحاولت ألمها

تنتثر في قسوة الياس اللحوح



من يعاون نفس متزايد سقمها

من يشيل الهم عن قلبٍ وروح



روحي اللي تشتكي من نار همها

وقلبي اللي يشتكي نزف الجروح



آه يادنيا علي ارخت ظلمها

لين خلت كل شي فيني ينوح



فـ الاسى والهم عندي ياكرمها

ويابخلها فـ السعاده والفروح



يوم عيني وقتي القاسي حرمها

شوف شخصٍ شوفته تشفي الجروح



كم بكت هالعين لكن مارحمها

وكم شكت في عتمة الليل وتبوح



من فراق اللي تحت دوسة قدمها

درب للجنه من ارضاها يلوح



أمي اللي صارت بقبرٍ يضمها

ضمني من بعدها حزنٍ لحوح



ليتني باللحد بالي مع جسمها

مابقالي بعد فرقاها طموح



كم تمنى خاطري بوسة خشمها

او تداعب ايدها راسي بمسوح



ايه ياأمي للقدر دمعه رسمها

في عيون اللي رفض قلبه يبوح



طول عمره كل احزانه كتمها

وخافقي ياأمي من فراقك ذبوح



صرختي ياأمي ابد محدٍ فهمها

ظنهم هالصرخه ياأمي مزوح



مادروا ان الأسى روحي هدمها

ومادروا فيني الألم شيّد صروح



كيف بصبر والزمن روحي صدمها

كيف بصبر والألم عيّا يروح



ربي اللي قدّر القسمه وقسمها

وحكم ربي اقبله بصدرٍ سموح



دام ربي قسمته راد واتمها

مرتضي حكمه وصابر صبر نوح



آه ياأمي فرحتي موتك عدمها

بس دايم للصبر ببقى نزوح



علّ ربٍ خالق الجنه ونعمها

يجعل الفردوس لك ياأمي طروح



آ يادنيا علي زادت ألمها

لين خلت كل شي فيني ينوح



فـ الاسى والهم عندي ياكرمها

ويابخلها فـ السعاده والفروح

راقت لي فنقلتها لكم

[صامطية]

من فراق اللي تحت دوسة قدمها

درب للجنه من ارضاها يلوح



أمي اللي صارت بقبرٍ يضمها

ضمني من بعدها حزنٍ لحوح



ليتني باللحد بالي مع جسمها

مابقالي بعد فرقاها طموح



كم تمنى خاطري بوسة خشمها

او تداعب ايدها راسي بمسوح



ايه ياأمي للقدر دمعه رسمها

في عيون اللي رفض قلبه يبوح

إن شاء الله ماأفقدك ياأمي ربي يطول عمرك ويخليك تاج فوق راسي
خزامى كلمات رائعة لأطهر مخلوقة على وجه الأرض (للأم) الله يحفظ أمهاتنا الأحياء ويرحم من توفي منهن..

[خزامى]

اختي الغاليه صامطيه

شرفني مرورك واسعدني تواجدك هنا
مشكوره يالغلا

ويارب يخلي لك امك يالغلا ولا يحرمك منها ويطول بعمرها يارب

[الــريــف]

خـــــــزامى واي خـــــــــزامى
كتبتي فابدعت سطرت مافي داخلي
من مشاعرتجاه اميييييييييييييي.......اميييييييييييييي
تلك الانسانه التي اغفت اغفائتها الاخيره على صدري واحسست حينهاان روحي وروحهاقدسكنت جسدٍواحد.اقسم لك وانا اقرا قصيدتك ماشعرت الاودموعي تتساقط على وجنتي تبكي وترثي اماًٍ
ماتت بين يدي وفي احضاني .
ابراهيم الفرحان(ريف)

[خزامى]

اخ ابراهيم رحم الله امك وامي وامهات المسلمين

ويسكنهم فسيح جناته

الام فعلا لا نستطيع ان نوفيها حقها مهما فعلنا ومهما صرنا لانستطيع ان نعطيها ولو قليل مما صنعت لنا
كفايه دعوتها لنا كفايه خوفها علينا
يارب يرحمهم وينور قبورهم امين

[الــريــف]

تسلمي اختي خزامى وفقك الله

ابراهيم الفرحان (ريف

[الجـــوكر]

شـكــ وبارك الله فيك ـــرا لك ... لك مني أجمل تحية .

كلمات معبرة..,

,...تسلم يمينك