احبك كثر مايقسى الشتاء وتهاجر طيوره

[عناد]

قررت اني احبك بين قلبي وبينك

احبك كثر ماقد صار .. احبك رغم ماقد صار
احبك كثر مادنيا الزعل والصد مهجوره

احبك كثر ماتمطر بصدري من غلاك امطار
احبك كثر ما صارت اراضي العشق ممطوره

احبك كثر ماتفتح شبابيك الربيع ازهار
احبك كثر ماغنت عشان الصبح عصفوره

احبك كثر ما تاقف على جنب الطريق اشجار
واحبك كثر مايقسى الشتاء وتهاجر طيوره

احبك كثر مافي الارض بنت تلفت الانظار

احبك كثر مايرتاح عطر بصدر مغروره

واحبك كثر ماجاب المساء في معطفه زوار

واحبك كثر ماجانا الصبح يشبهك نوره

واحبك كثر ماتهدي كفوف الوصل من تذكار

واحبك كثر ما شالت يدين العاشق زهوره

واحبك كثر مانقراء عن الفارس عن المغوار

واحبك كثر مانسمع ولا شفنا ولا اسطوره

واحبك كثر ماتلعب بدنيا العاشقين اقدار

واحبك كثر ما ذا الحظ دايم يلعن قصوره

واحبك كثر ماعاثت رياح بحسبة البحار

واحبك كثر ما البحار يعشق نسمة بحوره

واحبك كثر مايتحلف اللي منشغل بأعذار

واحبك كثر مافي الناس ناس بجد معذوره

واحبك كثر ما ملت قصايدنا من التكرار

واحبك كثر ما الشاعر تمنى حب جمهوره

احبك كثر ماشفنا على وجه الزمان آثار

واحبك كثر مافي الارض فقر وناس ميسوره


واحبك كثر ما دارت بذهن الحالمين افكار

واحبك كثر مافي الخير ناس بالخير مذكوره

واحبك كثر مانرمي حكايات الحطب للنار

واحبك كثر ماقلنا عن الاحوال مستوره

احبك كثر مانجهل متى توقف بنا الاعمار

واحبك كثر مانسمع حكاية حب مشهوره

واحبك كثر ما ضاق السجين بلعنة الاسوار

واحبك كثر ماهاج البحر واجتاحته ثوره

واحبك كثر ماننسى واحبك كثر مانحتار

واحبك كثر مايسهر محب وفي ايده صوره

احبك كثر ماتقطع شفاتك في العسل مشوااار

واحبك كثر ماخدك يخلي الشمس مبهوره

واحبك كثر ماروج عليك الحسن من اخبار

واحبك كثر ماصدرك يدوخ الورد بعطوره

واحبك كثر مافي عينك من السحر والاغوار

واحبك كثر مافيك الغلا ماوفتك سطوره

احبك والزمن ساكن واحبك لو زماني دار

احبك يامدينة حب وسط الصدر معموره

احبك والتفت شاعر لعينك وامطرت اشعااار

حلف مايمسي الليلة قبل ما يكتب شعوره

ورتبتك بصدري وانت تستاهل وراعي دار

تفضل قلب اوراق الغلا وايديك مشكووره

تفضل وانت لو مثلك ذكرته هلت الانوار

وقمت اجمع من اشواقي قصايد عشق منثوره

تلذذت الجمال وقلت بهديك القصيد اجرار

غلاك وصدق حبك ماترك لي نفس مكسوووره

انا عاشق جمال وماخفاني في الجمال اسرار

انا لامن كتبت اعطيك واعطي العشق بقدووره

كتبتك في القصيد ابيات من حسنك عليك تغار

حروف العشق طفله في ثياب العيد مسروره

لقيتك والدلع والثقل شله والحسن ثرثار

يقول اشياء كثيره للعيون ويثبت حضوره

كفاية لو تطل ويفرح بطلتك دار الجار

كفاية لو تشوف الناس في نظرتك مأسوره

غرامك يغري حروفي سقاها الصدق من امطار

كتاباتي بتشهد للغرام وتحفظ عطوره

احبك ثم احبك ثم احبك ثم احبك

احبك رغم ما قد صار

احبك حيل مهما صار

احبك دام انا طيب واراضي العشق ممطوره

[السموه]

احبك يامدينة حب وسط الصدر معموره

احبك والتفت شاعر لعينك وامطرت اشعااار

حلف مايمسي الليلة قبل ما يكتب شعوره

ورتبتك بصدري وانت تستاهل وراعي دار

تفضل قلب اوراق الغلا وايديك مشكووره

تفضل وانت لو مثلك ذكرته هلت الانوار

وقمت اجمع من اشواقي قصايد عشق منثوره

تلذذت الجمال وقلت بهديك القصيد اجرار

غلاك وصدق حبك ماترك لي نفس مكسوووره

انا عاشق جمال وماخفاني في الجمال اسرار

جدا جميله الابيات يعطيك العافيه

[هديل صوت الحمام]

موفق بإذن الله ... لك مني أجمل تحية .

[الــريــف]

عناد

راق لي جداً ماسطرته اناملك بل استهواني


ودنف الى اعماق روحي عشت مع كل شطرة


وكل بيت مع عذب الكلمات وجزل القصيدمع


عمق المشاعرودفئ الشعوروبت اسأل نفسي


من الكاتب القلم ام قلبك .دمت ودام قلمك الراقي


بماينبض به .تقبل مروري بمتصفحك


ابراهيم الفرحان(ريف)