ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
قلبي شباب ولزوم اني اعرس ,,, ما ابي العجوز الي تتوسد الباب
الخير واجد وانا ماني مفــلس ,,, عندي فلوس تدعم البنك في الحساب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
العــــجوز
ما باقي غير خشمك وهالضرس ,,, تبغي تعرس وانت وجهك شبه الغراب
قابل صلاتك الله يشفيك من المس ,,, او ترى بطب وجهك بهـــالتراب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
الشــــايب
إنتي عجوز وأكلك الروب والخس ,,, اما انا ما باكل غير تكه و كباب
ما فيني سكر غير ضغطي نازل بس ,,, دام الهوى فيني ترى كل شي طاب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
العجـــوز
لا بارك الله فيك يا الشيبه يا النحس ,,, ما تنفع معاك الرمسه ولا كلام العتاب
قصر لي صوتك ما ابي اسمع ولا حس ,,, عطني طلاقي وانقلع واقبض الباب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
الشــــايب
دومك نحيسه وذا لسانك يبي قص ,,, ربي ترى حلل لي اربع بالكتاب
هــذا خميس الاعمى جارنا كم وحده اعرس ,,, مرتاح في الدنيا بلى هم واعصاب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
العجـــــوز
بطران وراسك كالصخر يابس وعص ,,, مالوم طبعك يوم ربعك هالكلاب
صاير زي الاريل ودومك اتحيس ,,, استح على وجهك أصلع ولعاب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
الشــــايب
فكيني من وجهك ترى مالي أي نفس ,,, زهقان من شوفتك وابغي لي أحباب
وهاذا طلاقك و طالقة بالاربع والخمس ,,, شيلي طلاقك من ضميري بلا احساب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
العجـــــوز
مشكور يالشيبه ومن دون أي دس ,,, عندي حبيب ما ابتعد لحظه وغاب
يشريك ويبيعك تراه ابثمن بخس ,,, ما تسوى ظفره وهو حلو اسمر وجذاب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
الشــــايب
يالله قبل لا موت منك واقتص ,,, طلعتي لي قرن وراسي بعد شاب
يا شينه البرقع ترى قدرك اختس ,,, عجوز ولك في الدنيا خلان واحباب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
العجــــــوز
ترى مثلك وهذا لك في العمر درس ,,, لاني أميز بين شيبه وشباب
او نسيت اني على الموضه ألبس ,,, ما علموك اني بلا شيله وحجاب
ضوابط المشاركة
رد مع اقتباس