,,تدري متى تبكي صديقك وهو حي ’’

**السموه** · 07 -04- 2010, 09:15 PM

,,تدري متى تبكي صديقك وهو حي ’’

يا صاحبي هذي السوالف مهي لي "
"عمر الصقر مـا هيبتْـه الحمامـة

أحدٍ يجي ويقابـل السـي بالسـي "
"أمـا انــا أقابـلـه بابتسـامـه

منهاج قلبي يرسمنـه لـه ايـدي "
"يعني يموووت ولايبيـع احترامـه

ما همنـي هـذي وهـذي ولا ذي "
"قلبـي يهيـم ولا يهينـه هيـامـه

يا حاجة الضميان في رشفة المـي "
"في موقـعٍ عيـت تشيلـه عظامـه

هي حاجتي بالضبط لأشعة الضـي "
"يمكن يودع بعـض ليلـي ظلامـه

تدري متى تبكي صديقك وهو حي ؟"
"إذا دريـت إنـه يبيـع الكـرامـة

يا وي من وقت التعاجيب يـا وي "
"كـل ٍ يقـول أنـا زعيـم الفهامـة

اسمع كلامي وانتظر انطر شـوي "
"خل الملامه خـل عنـك الملامـه

إذا فقدتك أنت بالـذات مـن لـي ؟"
"أبقـى وحيـد ليـا نهـار القيامـه

وإن جالك السافل يبي خوتك عـي "
"والله ليطلع لك من الطيـب شامـه

لا تعتذر ما تجتمع شمس مع فـي "
"عذر البخيـل إنـه كثيـرٍ صيامـه

قالوا من أول آخر علاجهـا الكـي "
"يمكن يفيـد الكـي مـع الرخامـة

إن جيت او ما جيت عادي ولا شي "
"موقف وعـدّا وانتهـي بالسلامـه

تدري متى تبكي صديقك وهو حي ؟"
"والله ( قسم ) إن فارقتـه الكرامـه

مما راق لي

ومو مهم انها تطلع مكرره بس اهديها لاشخاص هنا في المنتدى