كيكة المخمل الحمراء

[* روعة خيال *]

كيكة المخمل الحمراء .. وهي من الكيكات التقليديه

للمقادير

بالاكواب المعياريه - ك/كوب .. م ك/ملعقة طعام .. م ش/ملعقة شاي


أولا : 1 ونصف ك سكر ../.. اصبع زبده لين ../.. بيضتين
ثانيا : 2 وثلث ك دقيق ../.. 1 م ش بيكنج باودر ../..1 م ش بيكنج صودا ../.. نصف م ش ملح
ثالثا : 1 ك بتر ميلك * ../.. 1 م ش خل ../.. 1 م ش فانيليا ../.. 1 ونصف م ك ملون طعام أحمر


*بتر ميلك : اذا ماكان متوفر عندك - وهذا الغالب - تقدرين تعملينه بإنك تخلطين كوب حليب مع م ك خل وتتركينهم ربع ساعه مغطيين برا وبس ..


الطريقه ::

اخلطي السكر والزبده بالعجانه او الخلاط اليدوي حتى يمتزجون تماما
بعد كذا اضيفي البيض بالتدريج مع الحرص على كشط الاطراف حتى يمتزج الخليط زين
المقادير اللي بثانيا انخليها سوا ، واللي بثالثا اخلطيهم مع بعض ..
بعدين اضيفيهم بالتناوب على اللي بالعجانه مع الانتباه الى انك تختمين الاضافه بالمواد الجافه
ولا تبالغين بالخلط مجرد مايمتزجون وقفي حتى مايصير الكيك مطاطي شوي





وزعيهم في قوالب الكب كيك ودخليهم الفرن بتاخذ حول الثلث الساعه او اكثر شوي





بعد ماتطلعينهم اتركيهم يبردون برا بعدين طلعيهم من قوالبهم وقصي راسهم

اخفقي كريمة خفق لحد ماتثقل واضيفي عليها شوي سكر بودره وبقمع التزيين حطيها بوسط الكب كيك
قصي راس الكب كيك بالنصف ورجعيهم بشكل مقلوب فوق الكيك حتى تصير مثل اجنحة الفراشه .. وقدميه

بالهناء والعافيه

[جــــــــــوري]

وااااااااااااااااااااو وربي شكله لذيذ
طريقته سهله وشكله حلوو
تسلمين حبوبه

[رديمة]

يسلموووووووووووووووو
يعطيك العافيه يالغاليه
ولاتحرمينا جديدك

[السموه]

حلوه شكلها

يعطيك العافيه

[غزوله]