// كيف تشرب قهوتكـْ ..}- شاركونا

[قلب الوفا]

بسم الله الرحمن الرحيم


أتمنى من يقرأني بخير ..


هل أنت مُدمن قهوة تشربها كل يوم ..؟


هل تعملها أنت بنفسك .. اذا كان نعم شاركنا بطريقة تحضيرك لها ..؟

[ لاتنسى /ي .. تجاوبوا على سؤال التصويت ]

هل أنت مُدمن قهوة تشربها كل يوم ..؟


هل تعملها أنت بنفسك .. اذا كان نعم شاركنا بطريقة تحضيرك لها ..؟





بالنسبه لي عندي طريقه للكابتشينو :



[ المعذرة بأكتبها بالعامي ]


هي موية ونسكافية وسكر من كل شيء نص ..


أخلطها بالخلاط .. وأغطي عليها بقصدير وأحطها بصحن وادخلها جوة الفريزر ..


ترى ماتتجمد تصير زي آي سكريم ابو ملاعق ..


ولما اشتهي قهوة
اسوي حليب عادي [ بدون سكر ]
واطلع الصحن وآخذ ملعقه واحطها بالكوب وبعدين اصب الحليب ..
\

ولايغني ايضا من العربيه الرااائعه بريحة الهيل والزعفراان
\
وهذا هديه لكم كوووب قهوه

[عجاج الليل]

مدمن بقوة

والأن أنا في المعمعة

تم التصويت لقهوتي المفضلة

ليتهم يرخصون الزعفران
::sa03::

قلب

[:: ليالي جيزان ::]

بسم الله الرحمن الرحيم


أتمنى من يقرأني بخير ..

من بطن عيني



هل أنت مُدمن قهوة تشربها كل يوم ..؟

وبقوووووووووووه




هل تعملها أنت بنفسك .. اذا كان نعم شاركنا بطريقة تحضيرك لها ..؟


الطريقه ..

احضر دله ضع فيها مسمار اربع حبات
ضع فيها ماء مغلين ضع فيها بن ضع هيل
واحضر مركى وتنشف فلقد صارت عندك قهوه


اغلي الماء لين يتثاور
واضيف البن الي طبعاً انا احمص بالبيت <<<مره نشميه((قاحيه))
طبعاً مااخليها تغلي كثير ... احضر الثلاجه اضيف فيها فته زعفران وهيل
واصب عليها القهو المغليه واقرب اي نوع من الحلى او تمر سكري
وابسط .. واشوف الاهرامات وانا في الطايف

[معاذ آل خيرات]

أنا أحبّ القهوة الفرنسية ..
وصوتت لأخرى .

وما أعرف أسويها بالمرة .. ولا أبغى أعرف .


شكراً قلب


.

[قلب الوفا]

ليالي خبري بك مدمنه رسمي وياليتها ع الاهرامات
الظاهر قمة افرست تشهد بعد ههههههههههههههه
منوره


معاذ حياك ولعيونك ابي اعلمك القهوه الفرنسيه ياخي تعلم يمكن تحتاجها يوم من الايام

[قلب الوفا]

القهوه الفرنسيه يامعاذ مثل التركيه
بس تجيب قوهوه فرنسيه من العطار وتحمصها
وتحط ملعقه منها |+ملعقه كاكاو +حليب اي حليب تبيه وملعقه نسكافيه وسكر حسب الرغبه
وتحط مويه وتغليها وتكفى فنجان واحد
وبالعافيه
هذي بعد بالشوكولا
وفيه بالبندق وغيرها كثير

[معاذ آل خيرات]

القهوه الفرنسيه يامعاذ مثل التركيه
بس تجيب قوهوه فرنسيه من العطار وتحمصها
وتحط ملعقه منها |+ملعقه كاكاو +حليب اي حليب تبيه وملعقه نسكافيه وسكر حسب الرغبه
وتحط مويه وتغليها وتكفى فنجان واحد
وبالعافيه
هذي بعد بالشوكولا
وفيه بالبندق وغيرها كثير

مادام وهي مثل التركية .. عزّ الله بسيطة
خلاص من بكره إن شاء الله وأنا أقربع في المطبخ .

شانكيوراً ع الوصفة

.

[قلب الوفا]

مادام وهي مثل التركية .. عزّ الله بسيطة

خلاص من بكره إن شاء الله وأنا أقربع في المطبخ .

شانكيوراً ع الوصفة


.

مسيو معاذ
الافضل تاخدها جااهزه من اقرب عطار
والافضل هي القهوه بالبندق او بالشوكولا
او بشكولا المارس
كلها تفي بالغرض
وتصلحها وتروووق ولايهمك حدا
اورفوار

[السموه]

قلب انا قهوتي غير مره عربيه بس جنان

حتى انا بكتب عامي دامي بتكلم عن معشوقتي





اجيب دلتي واحط فيها مويه ،وملعقتين اكل بن ،وكم حبه مستكا، وملعقتين صغيره بهار القصيم
واخليه على النار لين تدوخ البيت بريحتها يعني تطول مره
وقبل ما اطفي عنها النار بثواني احط ملعقتين اكل هيل
وبالهنا والعافيه عليه لاني قاعده اشربها الحين ولازم في دله ولامو كيف

يعطيك العافيه كثري كلام عن القهوه خلينا نروق

["فلة"]

انا قهوتي قشر طريقتها مرة حلوة:
"المقادير"
قشرمحمص تحميص خفيف من النوع الي اسمه الصافي وهذا افضل نوع من انواع القشر

قرفة

سنوت

نخوة صغيرة

شيبة

زر

حب الهيل

زنجبيل اخضر

"الطريقة"

توضع في الزمزمية ملعقة اكل قشرة
ملعقة صغيرة قرفة
حبتين هيل
حبتين زر
ثرة بسيطة من النخوة
ورقة شيبة
ملعقة صغيرة سنوت/ملاحظة/السنوت البلدي يوجد في ابها فقط وله الكثير من الفوائد للإنسان
ملعقتان زنجبيل اخضر مبروش
يغلا الماء ثم يوضع في الزمزمية/وبعد عشر دقائق قدمها مع التمر والحلا
/ملاحظة/ القهوة القشراخف من القهوة العربي نصح بتناولها الدكتور جابر القحطاني وهي ايضا مفيدة للنساء في فترة الطمث والنفاس ..

[غزوله]

انا احب الموكا الساخنه والبارده بالليل


صورةالموكا الساخنه





المقادير:
٦ م-ك حليب بودره
٤ م-ك كريم كرامل بودره
٣ م-ص نسكافيه
٣ م-ك دريم ويب
٣ كوب ماء مغلي



الطريقة:
طريقه عمل قهوة الموكا الساخنة
يتم خلط جميع المقادير سويا في الخلاط الكهربائي
ثم يتم وضع قهوة الموكا الساخنة في اكواب التقديم
و تقدم قهوة الموكا الساخنة