يا صاحبي بعض السوالف غبية
وإذا اعتذرت أحيان ماتنفع أعذار

قلبك كبييييير و يتسع للخطية
وترد ضحكه فارقت كل الأنظار

كلمه غبية جات من حسن نية
وألا حماقة جات من شخص ثرثار

أهم شي ترجع وترضى عليه
وألا أبودع مع قطر كل الأقطار

الله كم سولفت صبح و عشيه
سوالف حلوه مثل قطف الإزهار

يا صاحبي بعض الجروح الخفية
تتعب خفوقي معك لو صار ما صار

خوه_صداقه_والعلاقة نقيه
رغم المسافة كأنك اقرب من الجار


لاشك وآنا من رجال الحميه
ما امشي ورى المقفيين وأحس وأغار

إلا أنت تجبرني علاقة قويه
حتى الشعر صغنا على شأنك أشعار

كتبت لك الين تعبت يديه
حيرتني وانا معك صرت محتار

وان كنت ناوي تبتعد بالمطية
ولا انته معبرنا ولأفيه مقدار

استودعك مولاك رب البرية
روووح فمان الله يالصاحب البار

وانا بعيش الوقت روحه وجيه
مع ضحكتي دمعه وفي خاطري نار

تكفيني الذكرى ليوم المنية
ذكرى لها في داخلي كل مقدار


مما راق لي