يــــا حظ من عنده عجـوزٍ وشايـب
وإلا حدى الاثنين يا ســــــعد عينـه



وجودهم يجلـــى النكد و الصعــايـب
و يـــا حظ من يـدرك حدى والدينــه



ابوٍ كبير و له علومِ طــــــــرايب
و كل المــــراجل حازها في يمينــه



و أمٍ إلى شافه تهــــون المصــاعـب
تسعـــــــد بـبرّه لو يقبل جبينــه



ترفع يدينه للولي بالمطـــــــــالب
و ترجـــي ولي العرش يسعد سنينـــه



أقدامها تحتـــه جنــــانٍ رطايــب
و أبــوك عـزّه في توالــــي سنينــه



و بيتٍ بدون كبــار مثل الخــــرايـب
و اللي فقـــــــدهم قولوا الله يعينـه



نــور البيـوت و يجمعــون الحبايـب
وكل السلـــــوم الطيبــة جامعينـه



فيهم لقسوات الليـــــالي غلايــب
مروضيـــــن الوقت ومطوعينـــه



اخضـــع لهم و إنذل إن كنت راغــب
في جنــــــــةٍ يا علّنا ساكنينــه



و ازرع و تجنــــي لكل شيٍ عقـايب
وكلٍ يبـــي ياخـذ على قد دينـــه



و احــــذر تقول أجيب واحد يراقــب
و يخـــــدم أبــوي وراتبه دافعينـه



وأمــك تقول الخادمــة له تواضـــب
بغريفـــــــةٍ بالحوش ومكرمينــه



لعيونـــنا كم جــت لهم من متاعــب
ووقتٍ شحيـــــح وليلهـم ساهرينــه



و مهما نســوّي لأجلهم فهـو واجــب
شيءٍ قليـــــــل وحقهم هاضمينـه!!




اغنـــــم زمانك قبل جمع الكسايــب
يا سعـــد منهو بــر في والدينـــه






مما راق لـي