يقول اللي جرح قلبه حبيبه
وجرب لوعة الحب ولهيبه


الا ياويل منهو عاش مثلي
صويب القلب والحاله تعيبه


سنين طوال راحت من حياتي
وانا محتار وجروحي عطيبه


اسير بشوق خلٍ مارحمني
ياليت اللي سطا بقلبي يصيبه


تركني وشمت العذال فيني
عنيد الراي مايرحم صويبه


قبل سنتين يتمنى وصالي
يبي قربي وحبي يهتني به


وشوف اليوم انا اتمنى وصاله
سمع صوتي وعيا لا يجيبه


انا لا قلت تكفى شوف حالي
ابي كلمه تهون لي المصيبه



يردد كلمته ويزيد ناري
(انا مابي غرامك موغصيبه)



انا وش حيلتي بللي ظلمني
ظلم قلبي وهو اول حبيبه


على فرقاه رددت الغناوي
ابي يسمع قصيدي ويعتني به



ولكنه رفض يسمع كلامي
وانا الدمعات لعيوني قريبه


انا وش فادني ترديد شعري
مدام الحظ قصر لا يجيبه


مسحت بدمعي ما خطت يديه
بعد ماكانت ابياتي عجيبه


وضاع الشعر ويا الحب مني
وبقى مبداي الاول ينتهي به


واقول اني نسيت الهم لكن
يقول اللي جرح قلبه حبيبه



منقووووووووووووووووووول