أنا .. وأنتم ..و..[ بركات ] ..!!

[شَتاتْ أُنْثَى]

..

حالة مذنب ..!!






تنهـد مالقـى .. هبـة نسيـم .. تريـح سكاتـه
تعذب .. حالته حالـة عـدوك .. شينـه وقشـرا



ينادي !! من ينادي ؟؟ والظـلام يكسّـر اصواتـه
يناظر للطريق اللي .. توارى .. وينـدب الحسـرا



يعرف إن الذنوب أقسى مـن همومـه .. وأهاتـه
وعرف إن الممات أقرب .. من الأهـداب للنظـرا !



يسافر به عزا الذكرى .. على الماضـي ولعناتـه
وجع من وين .. ماسافر .. إذا سافر .. مع الذكرا !



قصر حبل الهروب اللي يشدة .. عـن ألـم ذاتـه
تعب .. من كثر ماينفض همـوم ٍ باالحشـا غبـرا



يحاول يبتعد أكثر عـن اللـي كـان .. قـد فاتـه
يحاول يطوي الصفحة ويفتـح .. صفحـة ٍ عـذرا


رجف قلبة على مـاراح مـن ذنبـة .. وميلاتـه
بكى .. ياطيب هالدمعة .. أخيراً .. طفّـت الجمـرا



.

[شَتاتْ أُنْثَى]

..









ياعزيزي .. قوم نم ْ
كافي فوق الهم ْ
هم ْ
كافي نقطف من حنين !
كافي .. نسرف
بالأنين !
وكل مافينا سأم ْ
كافي تحرث في خيالي !
وكافي نبحث ..
فـ الليالي ..
عن دوى .. يشفي ألم ْ
خذ تعال ! .. الشوق يندهلك !
تعال !
ولاسألك :
الصبح وافي ؟
قول : لا !
ولاسألك :
الليل جافي ؟
قل : نعم !
وعلّم الدنيا مراسيم .. التعب !
وعلّم العالم شنو..
أصعب صعب !؟
إنتكاس الحب كله .. للعدم !
لملم أشواقك وهات ..
وإلا تدري !
للجهات ...
أنتثر كلك ... شتات ..
ولملم .. إجراحك ..
ونم ْ ..!


.



اهداء .. لشتاتي


.

[شَتاتْ أُنْثَى]

..







واللـه إني .. جيت أطهر من ينابيع النقــاء ...
ــــ واللــه إني جيـت أصــدق .. من دموعــك .. ياليتيم ..!

آه ياربي .. يارب الأرض هذي .. والسمــاء ..
ــــ تغفر أخطـائي وزلاتي ...... وترحم ... يارحيـــــــم ..

كنت مثل الطفل أحلم في زمن كله صفـااء ..
ــــ وكنت ابني الحلــم هذا ... من ( جزيئات ) النسيــم ..!

لين ماطاح الصباح / ودمعتي / .. وآخر لقااااء ..!
ــــ لين مايّبست اعروق ..! وسال ملح /...... وجف غيم !

الهوى ماعاد ابيه .. ولايشرفني إنتمااااااء ..
ــــ دام ( إذلال ) الرجولة .. من ورى ( ضحك ) .. الحريم !!

أنت تسأل كيف حالي ؟ مزري وكلي استياء ..
ــــ من سخافات الزمان ........ ومن سماجات النديم ..!!

لا ياقلبي عاد صحصح .. طير لعيون السماااء ...!
ـــ عيش باحضان السحابة .. وارسم الاحساس / غيم !!



.
.
.


جبتهـا لك مـ الأخير !
يا .. تسلمني ( حياتك ) !
والا باخذها ..
واطيررررررررررر !

[شَتاتْ أُنْثَى]

..









عقبك غدت كل الليالي .. حزينه ..
ـــ ومافيه عقبك ... من يسد بمكـااانك ..

روحي غدت للياس منّك رهينه ..
ـــ وخان الزمن فيني ... وخـانك زمانك ..

مثل الغريق اللي يتحرا سفينه ..
ـــ ظليت انا اتحرى يجيني ...... حنانك ..

شاعرك ياخلي .. تفجّر حنينه ..
ــــ لاجلك وكل الليل ... يسهر .. عشانك ..

ماغير اقلّب ذكريات ٍ .. دفينه ..
ــــ يوم الهوى عايش ..... بدنيا جنانك .. !!!



.
.
.




انا باقي !
أسولف للمطر .. عنّك !
ولكنّك !
ولااعبرت أشواقي !


.

[عبدالله الحلوي]

جبتهـا لك مـ الأخير !
يا .. تسلمني ( حياتك ) !
والا باخذها ..
واطيررررررررررر !

والا تكفى زور مثواي الأخير ..
يمكن احيا لو تشوف تراب قبري يا ....

شتات تنثرين بريق العمر في كريات الزمن المتوقف ..


مع حبي
القبس

[محمدالقاضي]

قصائد كلها في منتهى الروعة

احترت أيها أعجبني أكثر

لأنها جميعاً وصلت للقلب ..!!

ياعزيزي .. قوم نم ْ
كافي فوق الهم ْ
هم ْ
كافي نقطف من حنين !
كافي .. نسرف
بالأنين !
وكل مافينا سأم ْ

ياسلااااااام

دعوة منّي لقراءة هذه القصيدة مرة أخرى ولكن بقليل من الرومنسيّة المنتحرة ..!!



شتات فلسفة البركاتيّة تلك جعلتني أحتار في ترتيب العبارات ....

فلك الشكر ..!!

[شَتاتْ أُنْثَى]

والا تكفى زور مثواي الأخير ..
يمكن احيا لو تشوف تراب قبري يا ....

شتات تنثرين بريق العمر في كريات الزمن المتوقف ..


مع حبي
القبس

ومرورك ... ينعش خلايا الجسم

والا تكفى زور مثواي الأخير ..
يمكن احيا لو تشوف تراب قبري

اضافه للنص .. جملته

.

[شَتاتْ أُنْثَى]

قصائد كلها في منتهى الروعة

احترت أيها أعجبني أكثر

لأنها جميعاً وصلت للقلب ..!!

لا عجب في ذلك .. فأنت تمتلك ذائقة مدهشه !!

الشكر لك على حضورك

.

[شَتاتْ أُنْثَى]

..

مُتْعب .. يا أنت ..!!

.

[شَتاتْ أُنْثَى]

...




اييييييه طالب جامعي

وليت حظي جا معي !!!

.

[شَتاتْ أُنْثَى]

.....




برد وحنين وشوق , ولحالي
........ أكتب قصايد حب .. وأقراها

وتهب ذكرى أحباب في بالي
........ وتشب فيني نار شكواها !





.

[شَتاتْ أُنْثَى]

...




وينها !!!

وينها اللي أنام بـ عينها !!

.

[شَتاتْ أُنْثَى]

....






محتاج لك حيييييل هالمرة وابي تسمع
................ آهات صدري .. وتنهيدي .. وموالي !!

مكسور خاطر .. وعيني لحالها تدمع
................ وانا لحالي أفكر فيك ... مع حالي !!




.

[شَتاتْ أُنْثَى]

.....




و تغرق !!




في مدامعها !!






و يغرق !!




هالمدى معها !!



.

[ميعاد]

شتــات ..
رائــعة بقــدر الجمــال الذى آحضرته هُنـــــــــا ..




الشمري /بركات ..





صرت لاانطق الاابجدياته..
حتى صار
حديثي..
نغمي..
كلما استوحلني الصمت
ونفذت الى الشعر..
لا اجدني معلقة سوى بحرفـــه


دودي ..
مــذهلة انتِ ..