لقيتك تشبهي حلمي من أول نور إلى آخر نور
ومثل ما أنا لقيتك حب حلم إنتي لقيتيني
نقية صافية مثل ابتسامات الرضا بمسرور
وقلت إن الهوى مني ومراجيحك شراييني
أنا تمنيت لو مره يجي بشباكي العصفور
وجيتي إنتي ولقيتك في قفص صدري تغنيني
وبديت أحلم معك وأرسم طريقي الممتلي بزهور
وأسافر بك بعد مثلي في شوقي تسافري فيني
وخبيتك عن الكل وفضحني حبك المستور
أثر عين الغلا يبرق غلاها من عناويني
أنا معذور لو شافوا غلاتك والغلا معذور
ذهب قلبك هو إلي يهدي اللمعات في عيني
يا ألماس المسا ما للمسا دام أبتسمتي حظور
حرقتي الليل من نورك أخاف إنك تحرقيني
أشوف النجمة يتلاعب سناها بشعرك المنثور
وأخاف إليا تحركتي تطيح النجمة في يديني
طلبتك طلبتك ما أبي صبحٍ ولا ابي من الحياه عطور
أبي قلبك عطر عمري وابي وجهك ضوا سنيني
لقيتك قلبي وضايع وسط هالعالم المهجور
من الحب وطلبتك كثر ما أحبك تحبيني
معك من قلبي الآخر سنينك والهدايا شعور
ولا يكفيك لو أجمع لك سنيني ولك أنا أهديني
يا ألماس المسا ما للمسا دام أبتسمتي حظور
حرقتي الليل من نورك أخاف إنك تحرقيني
أشوف النجمة يتلاعب سناها بشعرك المنثور
وأخاف إليا تحركتي تطيح النجمة في يديني
طلبتك ما أبي صبحٍ ولا ابي من الحياه عطور
أبي قلبك عطر عمري وابي وجهك ضوا سنيني
معك من قلبي الآخر سنينك والهدايا شعور
ولا يكفيك لو أجمع لك سنيني ولك أنا أهديني
لقيتك قلبي وضايع وسط هالعالم المهجور
من الحب وطلبتك كثر ما أحبك تحبيني
المبدع الشاعر : سالم سيّار
|
 |
رد مع اقتباس
|| 
