♥ ماعاد يرضيني وفا ولا يزعلني جفا ♥

[عبده حكمي]

ماعـــــاد يرضيني وفــــــــا ولا يزعلنـــي جفا متســـــاويٍ في ناظري ظلم العــــرب وإنصافها ولاتاقف الدنيـــــــا على شمع الغرام اللي طفى بعض الشمــــــوع أنا أتعمـــــد كسرها وإتلافها من أولٍ لخفيت لي علـــــمٍ عن النــــاس اختفى واليـــــــوم هذي حالتي مابه حـــــدٍ ماشافها قعدت أحسب وش ربحت وش خسرت ووش صفى ياحــــي روس أموالنا قبـــــل الطمع بأضعافها تعبت أدور في القلـــــــوب البـــــارده ليلة دفا وألقـــى إنتهازات النفــــوس وكذبها واجحافها حتى أقرب العــــــالم لويوقف معـــك وقفة وفا اصبر وتـــــدري وش دوافع وقفتــــه وأهدافها عاد انت يالوجــه الجديد اللي تبي وصل وصفا حبـــــــال وصلك شوف لك ناسٍ تمس أطرافها أنــــا على موعد مع واحـــــــــد وكانه مالفى ماعـــــــاد أبيش من السنين سمانها وعجافها لأني عقب مارمش عيني صاحب النوم وغفى حلفت ما ارده على أشيـــــاً من عرفها عافها العشــــق وأمراض المحبه وإستحـــالات الشفا وأغلب علاقاتي مع العــــــالم أشوف إنكافها وذا الحين عن اذنك وسامحني إذا لساني هفا نفسيتـــي معادني بقــــــــدر على لطافها والموعد اللي كنت قبل شوي جالس له عفى راحوا دقايـــق ساعته راحت وصرت خلافها الشــاعر / عبدالله علــوش

[STYLER]

ررووووووووعه القصيدهـ ..
تسلم الأأنامل يالغالي ..

اختيارك ذووووووق ..
وطريقة تنسيقك للموضوع جدا رائعه ..

مبدع دائما يالغالي .~

ما ننحرم من روائعك ..

لقلبكـ ..

[عبده حكمي]

ررووووووووعه القصيدهـ ..
تسلم الأأنامل يالغالي ..

اختيارك ذووووووق ..
وطريقة تنسيقك للموضوع جدا رائعه ..

مبدع دائما يالغالي .~

ما ننحرم من روائعك ..

لقلبكـ ..

الأروع كان حضورك أخي الغالي
فوجودك هنا أسعدني كثيراً
ومالدي من إبداع هو قطرة في بحر مالديك
فشكراً لك من قلبي أخي الكريم STYLER
أسأل الله لك التوفيق والسعاده في الدنيا والآخره