يابو العيون الواسعه والكحيله=جاوبت لي شرهه وضميتِ قافي
والحب يجذبني ويبدى مسيله=من بعد وقتن ضمّنا باالعجافي
واسمع حمام الورق لا رخى هديله=يجمع طيور الحب يم المرافي
دق النجر ما بين بنّه وهيله=جهز معاميلك ونق الخرافي
ماني بخيلن والنسايم عليله=والخيل عندي سابقاتن خفافي
تسمع حوافرها وصوت الصهيله=في ليل بدرن عدّها ياالسنافي
واللي منعني حب قيسن لليلى=شبّت لهيبن وسط قلبي خُرافي
لا جيت بفتل للنشامى فتيله=تَختُل هواجيسي وتمشي خلافي
وانسى دوى المعلول لنهدّ حيله=والقى حروفي تايهاتن زحافي
وش حيلتي لاجيتني وسط ميله=حبْها تصدر صفحتي والغلافي
إن كان لك طبن بناري وويله=إشرب ملى عطْشك ولا إنتَ بشافي
خلّ الملامه ياكثير الحصيله=وخلني على أبوابها بنعكافي
ياواعذابي من حظوظن قليله=حظي معاها برد ريحن وسافي
بشكي على ربّن بلاني بليله=أشواق نارن ترجي عطف المطافي