شفتي العروووبه سترها كيف مشقوق
يامتلفن قلب المواليف بالشوق
وين الغلا والحب والشوق وينه
جاوب على صوت يناديك مخنوق
ودمعة غرامه حايره وسط عينه
ياللي مكانك في الحشا دايم فوق
تكفا النواوي مسكنك في كنينه
يامرهف الأحساس والفكر والذوق
ابوشذا فوق العلوم المهينه
المجربي يحي منزهه عن البوق
صياد جزلات الشرود السمينه
لاشك درب الحب للكل مفهوق
وكل ن يدور في حياته ضنينه
احيان صدفه تنجب اجيال وعروق
واحيان تهدم عاليات وحصينه
واحيان تمسي بين طارد وملحوق
وتبقى الهوينه لو تعمق هوينه
وانا عشقتك عشق ما مر مخلوق
ياللي كتفاح اليمن وجنتينه
يابو ثنيا لمعها لمعة ابروق
والصدر رابي والخصر ناحتينه
والوجه نور البدر والجيد ممشوق
وعلوم بابل كلها في جبينه
موتي انا بين الحجاجين والموق
ومحاجر ن فيها المهالك دفينه
ياغض ياريان ياغصن زملوق
ياسيد تلعاااات القرى والمدينه
انا احبك من مواطيك للطوق
والنفس والله في هواكم سجينه
العشق جنه والجفا ذنب وعقوق
والصد غربه والتداني سكينه
البعد ساحل والمواصيل صنبوق
وانا الغريق اللي تلوح يمينه
بيني وبين اعيش واموت مشنوق
وتين الأمل تكفين لا تقطعينه
ياحبي العاصف على مولعك روق
امانتك روحي واعرفك امينه
انا وطن دونك ممزق ومسروق
كالشاااام تبكيني حظوضي الحزينه
واللي خلقك انام ولا ودي افوق
لاصارت القومه بدونك غبينه
شفتي العروبه وسترها كيف مشقوق
حالي مطين مثلها بألف طينه
|
 |
رد مع اقتباس
