مالقيت عنوان

[المشهور]

اللي ثوبه طاهر يصلي خمس صلـوات و الواثق من نفسه مثل الحجـر مايلين

ومـايهتم مهما انقال عنه من عبارات ومايتأثر حتى لو انقال عنه خبـر شين

واللي شاك بنفسه راح يتنفس الآهات ويبقى طول عمره أسير لهموم السنين

مدري الصدق في هذا الزمان اشاعات و الا يمكن اللي يُصْدُق يكذبونه مرتين

بعض البشر مايدري ان الظلم ظلمات والبعض على الظلـم والحقد عايشين

الآمال تبقى موجوده والوقت مافات و الشيطان ماله مكـان بين المسلمين

للأسف مالقيت عنوان لهذي الأبيات وما أقـول غير على هالدنيا الله يعين

[محناب]

جزاك الله خيرا على هذه النصائح
وصح لسانك

ابيات رائعه أخي مشهور
واصل على هذا المنوال
وحتما ستبدع .. خالص التحايا

[المشهور]

شكرا لك عزيزي

[موكب الحروف]

يعطيك العافيه خوي المشهور اتمنى لك التوفيق بحياتك ومعاني رسالتك قد وصلنا ونتمنى ان يصل بطرق اجمل لقلوب الناس بصيغة تجعل لكلمتك معاني ساميه تعتز فيها لذاتك ولحرفك ذات يوم,,,,,
تقبل تحياتي,,,

[المشهور]

يعطيك العافية
موكب الحروف