خًـًفٍيٍآ بًشَرٍيُهُ .. دٌعُؤًهًًً لُلُجٍمَيٍعً
بسم الله الرحمن الرحيم
^
^
^
سبحان الله الإنسان قد ماتطّور وتقدم في تفكيره مازال يجهل كثير من الاشياء في الأرض في الطبيعه
وحتى في نفسه "وَمَا أُوتِيتُمْ مِنَ الْعِلْمِ إِلَّا قَليلاً "خلونا نتكلم عن النفس البشرية والغموض اللي يحتويها
والمظاهر الكثيره اللي ماقدر الإنسان يفهمها والأشياء اللي بعرضها هنا فسروها العلماء ولكن يظل
تفسيرهم قاصر وغير مؤكد ولكن يكفيهم إن فكروا وتأملوا ..فيه أشياء أكيد تعرفونها وفي أشياء مرت
عليكم بس ماتوقعتوا إنها معروفه وإنّ العلماء سموها وفسروها!!
خلونا نتذكر قوله تعالى :
"سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ"
--------------------------
- الأحلام :
عبارة عن مشاعر واحداث وصور تمّر علينا أثناء النوم وقد ذكرت في القرآن الكريم في أكثر من موضع
كما في قصة يوسف عليه السلام وقصة سيدنا إبراهيم عندما حلم أنه يقتل إسماعيل عليه السلام وقسمها
القرآن الكريم لـ 3 أنواع :
1- نوع يتكلم عن مشاعر الإنسان وتجاربه اللي عاشها في يومه او في حياته بشكل عام وتتكرر على شكل حلم أثناء النوم وهالنوع سمـاه بـ أضغاث الأحلام
2 - نوع ثاني من الشيطان وتكون على شكل كوابيس واشياء مخيفه ويمكن تكون بسبب مس أو من سحر أو بدون سبب إنما نزغ شيطاني فقط وأتوقع مجرد توقع إن الجاثوم أو الشلل أثناء النوم يدخل من ضمن هالنوع
3- نوع ثالث واللي تكون دلالة على شي جميل بيحصل في المستقبل أو وحي للرسل عليهم أفضل الصلاة والسلام مثل حلم سيدنا إبراهيم أو تنبيه من شيء وهكذا وسماها بالرؤيا
تفسير العلماء :
طبعاً العلماء حاولوا يفسرون ويدرسون الحلم ..فربطوا أجهزه بإنسان نائم ولاحظوا تغييرات في
حركة العين وجزء معين من المخ ولكن ماوصلوا لنتيجه معينه وكل اللي طلعوا فيه إن الحلم
يمكن يكون أفكار نفسيه موجوده في العقل الباطن وإن كل إنسان لازم يحلم كل يوم لكن قليل اللي
يتذكرون أحلامهم وإن الحلم يفسر لهم الكثير عن حالة الشخص النفسيه .
------------------------------
2- الديجافو وعكسها :
هذي الظاهر بالنسبة لي من أغرب الظواهر وبحثت عنها كثير لأنها تمر عليّ بشكل كبير
توقعت إنها شي موجود فيني بس وإني مميزه عن غيري..لكن أكتشفت إنها ظاهر معروفه ولها اسم المهم مالكم بالطويله
هل في يوم من الأيام كنت قاعد مع شخص وحسيت إن الموقف هذا حصل لك قبل أو إنك عشته وتكرر بقدرة قادر !! هي هذي الديجافو
الديجافو أو Déjà vu كلمة فرنسيه معناها "حدث من قبل " وماتشمل مواقف زي اللي ذكرته بس
بل ممكن إن هالشي يصير مع مكان بعد ..كيف يعني ؟! يعني تمر على مكان وتحس إن هذا المكان مو بغريب عليك وإنك شفته قبل أو عشت فيه قبل مع إنك أول مره تزوره !!
تفسير العلماء :
العلماء النفسيين يشوفون إنها رغبه قوية عشان أكرر تجربه نفسي فيها بينما الأطباء فسروها
بأن فيه مركز في الدماغ يحصل فيه خلل فيخلط بين الماضي والحاضروالتفسير الأكثر غرابه
من علماء ماوراء الطبيعه اللي يشوفون بأن هذي الظاهره تفسر إننا عشنا نفس الموقف في دنيا ثانيه قبل مانوصل لهذي الدنيا!!
طبعاً مايحتاج أقول إنهم ماوصلوا لشي مؤكد أبداً وإن هذي مجرد فرضيات ودراسات قاصره
لكن الغريب إن فيه ظاهره معاكسة لها تماماً زي مثلاً تكون قاعد مع شخص تعرفه من زمان
وفجأه تحس إنه غريب عنك وماتعرفه أبد
الديجافو والجاميس فو تستمر لمدة ثانيه أو جزء من الثانية فقط
قصة حقيقة : شخص يُدعى Nathaniel Hawthorne هذا الشخص سجّل تجربه فريده من نوعها تخيلوا قِدر يطلع ورقه من قلعه مهدومه من 200 سنه في إنجلترا وكان لأول مره يزورهذا المكان ..!! الورقه كتبها ألكسندر بوب ..
سبحان الله شي غريب من جد
------------------
3 – العين
مين منّا مايعرف العين أو الحسد وخاصة في ايامنا هذي وفي مجتمعنا السعودي انتشرت بشكل
كبير ومؤلم
فيه حديث عن الرسول علية الصلاة والسلام يمكن ماتعرفونه يقول" أَكْثَرمَنْ يَمُوت مِنْ أُمَّتِي بَعْد قَضَاء اللَّه وَقَدَره بِالْأَنْفُسِ" وفسر العلماء الأنفس بالعين وقال أيضاً : قد تُدخل الرجلَ العينُ في القبر، وتدخل الجمل القدر"
ومايحتاج نقول إن تعريفها في ديننا واللي درسناه كلنا : العين أو الحسد هي تمني زوال نعمة الغير
خلونا نروح لرأي العلماء
دراسات العلماء :
العلماء قالوا إنها قوة شريره تتجمع في نفس الإنسان ومايقدر يفرغها إلا من عينه < ماجابوا شي جديد
تعامل الشعوب مع العين :
في الثقافه العربيه واليهوديه يعتقدون في الخرزة الزرقاء اللي يعتبرون إنها تمنع عنهم العين تلاقونها معلقه في السيارات وعلى الصدور وهكذا
وفي بنغلادش وبعض قرى الهند يضعون بقعة سوداء على الجبين أو خلف الأذن معتقدين إنها تحميهم من العين !!
قصة حقيقية :
1-أم صبحي سيده من جنسيه عربيه عيانّه بشكل لايصدق
تخيلوا إنها عانت حتى زوجها ومره شافت تلفزيون وتكسّر على طول حتى إنها تقول إن
فيه ناس يستعينون فيها ضد أعداءهم والمشكله إنها مبسوطه به الشي ومعتبرته ميزه
2-أمي الله يحفظها كانت تحكي لي عن واحد زمان كان نفس أختنا في الله اللي فوق ..كل شي يطيح تحت عينه يموت ولا ينشل ولا ينكسر طبعاً أهل القرية ماقدروا يستحملون شره وحاولوا فيه لكن بدون فايده لين في يوم من الأيام قرروا يطبقون إعتقاد عندهم إنهم يدفنونه حي ساعة كاملة تخيلوا
وفعلاً سووا هالشي وبعدما طلعوه ماتغير شي حسبي الله على إبليسه
في النهاية ديننا علمنا إننا نقول لأي شي يعجبنا "ماشاء الله لاقوة الا بالله" أذكروا الله دايماً على كل شي يعجبكم وعودوا نفسكم على هالشي لأن العين حق واحتمال تطلع منكم بدون قصد ولناس تحبونهم
-----------------------------------
4 – التخاطر :
هل يوم جيت تكلم تلفون لشخص معين ولقيته يدق عليك ..أو في يوم كنت تفكر في شخص من زمان ماشفته وفجأه بعد كم يوم قابلته ..وفي بعض الأحيان تحّش في شخص بقوه وتلاقيه يتصل فيك بطريقة ما
هذا هو التخاطر
تفسيرات علمية :
1-العلماء عرفوا التخاطر مجموعه من الأفكار والخواطر والأحاسيس تنتقل بين الأشخاص ومثال عليه اللي يصير بين التوائم فقد وجدوا إنهم لو فرقوا التوائم كل واحد في ديره ومابينهم أي رابط
لقيوا إنهم يحسون ببعض وإذا أقترب الخطر من واحد الثاني يحس فيه ..وهكذا
2-لمّا درسوا الحالات وجدوا إن المخ يرسل إشارات كهرومغناطيسية مقسمه من شخص مُرسل إلى مُستقبل
وبعد تجربه على شخصين معزولين أحدهم يختار بطاقه والثاني يخّمن لقيوا نسبة نجاح التخاطر
بينهم بنسبة 20% طبعاً يقولون العلماء إن هذي نسبه عالية وحلوة بالنسبة لعصر السرعه اللي نعيش فيه لأن من شروط التخاطر الهدوء والإسترخاء
مما اعجبني
|
 |
رد مع اقتباس
المشاركة الأصلية كتبت بواسطة السموه
