مثل كل يوم كنت أطلع
تزتني أمـي ورد للدار
مثل كل يوم كانت دمعتي تحتار
مدري اتطيح مدري اتظل...
واظل أنه أمشي ويه الظل
وصاير بي ابد ماصار
يايمه يايمه
رجعت بيوم لقيت ابابنا شكد ناس ملتمه
ماأعرف شنو اللي صار كلمن ملتهي أبهمه
العتبه تصيح يا يمه !!!.. والباب تصيح يايمه
البيت يصيح.. كله يصيح !!! يايمه
اطب للبيت !! وعسانى كون ماطبيت
قالوا ماتت أمــــــك...قالو ماتت أمك
حاولت امنع دموعي .. لاكن ألدمعه شيكظها
اتضيع بين أكفوفي دمعه...وبوسط عيني شيضها
انفضت الحسبات كلها ... وحسبتي محد يفضها
حبيبه يمه .... يمه يا يمـــــه
أنغسلت هدوم اليتامى !! وهدومي تره محد غسلها
حبيبه يمه الارض انتي !!! ويا أرض تدفن أرضها
قـــالو ماتت أمك .... أمي !!!! أمي ؟؟؟؟
أمي شكد كانت !!! قبل ماتموت تانيتي.... شكد تانيت
ياريت يا الله احكي الميت .... ياريت الله وألف ياريت
بعد منهو اللي يحني كفوفي يوم العيد .؟؟؟؟؟؟..
ومنهو بعرسي يوزع على الطرف شكليت ؟؟
ياملك الموت بالله عليك .. بالله أرجوك تانيني.ولو لحظه.
...خاف تنام زعلانه وعلي بعد ترضى
ياملك الموت .. هاي أمي واريد أحبنه ...
هاي أمي واريد أودعنه
بالله عليك ياملك الموت تروح فد لحظه منها...
خليها قبل الموت تودع أبنها
ها يمه ؟ منهو الاخذ من شفافك البسمه؟؟
ها يمه؟؟ وياهو اللي خلى لونك يختلف رسمه؟؟
خدك هذا كان أحمر!!! كفك ليش صار أصفر!!!
ياما كفك الاصفر نزل ع الخد يأدبني!! وياما يلعب بشعري واحبه بشوق ويحبني
(( وما تسقط شعرة من رؤوسكم الا بأمر من الله تعالى))
مجرد حزن دائم ,,, مستكن ,,, يستيقظ متى اراد
اللهم ارحمهم ووسع مدخلهم
|
 |
رد مع اقتباس
المشاركة الأصلية كتبت بواسطة سراب01
