فاصــــــــــل
( رسالة إلى زائر )
صبـــاح الحب من قلبن سكن في نبضكِ ويغليك
صباحٍ مايليــــــــــق إلاّ لمثلك ياجميــــــــل الروح
حيــــــــــاتي دنيــــــــتي إنتِ وكلي يالغلا يفديك
ولو تقسي على قلبن يحبـــك قلت لك مسموح
فداك العمر واشْواقي فداك النبض لو يرضيك
فداك الكون هو كله بدونــك ضايـــق ومجروح
تعالي العمـر قد عـدا وأنا واقف كذا أرجيك
أنادي وكثر ما أنادي غدا صوتي كذا مبحوح
*****
حتى القمـــــر ماهو يجي يم زولك
نورك يضـــــــوِّي كل عتمـــــه بدنياه
في ضَيِّتَهْ في روعتــــــــــه مايطولك
من يشبهك وانْتِ وصوفك تعداه
إنتِ المطر في روعتك في هطولك
وانْتِ الفَــــــرَحْ والنبض كله تمناه
*****
الغيـــــــــم أنتِ وابْتســــــــامات المطَرْ
وانْتِ الربيــــــــــــع وكل ورده وعطرَهْ
ياحظ خلن قــــــد لفى بنبضك خطَرْ
وياحظ سمعن قــــــــد سمع منك نبرَهْ
أنتِ الموسيقى واجْمل أوصاف البشَرْ
وانْتِ الحيــــــــــاه بْقلب قد مل صبرَهْ
مُدي لحـــــــــــاف الجفن يكفيني سهَرْ
وطَفِّي نجوم الليـــــــــــل والوعد بُكرَهْ
|
 |
