احاتي داخلي هرجن يبي بوح
وان بحته ياصاحبي خفت الملامات
اعض بشفاهي ع الهرج لايروح
واكتم احاسيسي واخفي العلامات
عل التغاضي يبعد الهم والنوح
وعل ابقى صافي الذهن ساعات
ألآ كم في عالم الحب مجرووح
وشفاه وشقاه حسب المقامات
جرح يلتم وجرح دوم مفتوح
يزيد الألم والهم حسب المعانات
جرح يفرق عن جرح و جروح
جرحن يجي عمد وجرح غلطات
جرح ضمه بالاحضان ويروح
سرعان م يقول للجرح سلامات
يسامحك لو قلبه منك مذبوح
ولاجل حبك تهون كل الخلافات
وبعض الاعذار بها جف و شحوح
عذره جروح تزيد القلب صدمات
عذره كشاش والجرح مفتوح
والجرح عميق يحتاج رقعات
تنادي عليه والصوت مبحوح
رضاه صعبن دون دمع وآهات
وخيانه القلب جرم و سفوح
مايشفيه العذر وماتنسيه ساعات
بالخيانه العذر مامنه مصلوح
مثل مامات قلبك قلبها مات
ولد الشعبي
|
 |
رد مع اقتباس
المشاركة الأصلية كتبت بواسطة غيمه في سماشاعر
